1.天才與白痴
作詞：許冠傑／薛志雄
作曲：許冠傑
呢個世界上，有精仔、有懵仔、有叻仔、散仔、賭仔、重有戇居仔，
有衰仔、有好仔、反骨仔、癲仔、蠢仔重弊過敗家仔，
細蚊仔、臭飛仔、招卿仔、靚仔、打仔亂咁出刀仔，問你點敢亂生仔。
邊個係天才(天才)，邊個係白痴(白痴)，
扮懵定蠢才，冇咁易會知(阿茂至知)，
天才與白痴，你黐定我黐，天才與白痴，冇咁易會知，天才與白……痴。
呢個世界上，有冤鬼、有嘩鬼、有奸鬼、賭鬼、盞鬼、重有咸濕鬼，
有衰鬼、有煙鬼、攝青鬼、生鬼、撞鬼撞著個冒失鬼，
醉酒鬼、吊靴鬼、醜死鬼、假鬼、真鬼、亂咁鬼打鬼，問你究竟攪乜鬼。
乜鬼係天才，乜鬼係白痴，扮懵定蠢才，冇咁易會知，
天才與白痴，你黐定我黐，天才與白痴，冇咁易會知，天才與白……痴。
呢個世界上，有堅野、有流野、有精野、喎野、喳野、重有大鑊野，
有衰野、有好野、有筍野、貴野、賤野、最劃忌就賴野，
醒胃野、林嬸野、正斗野、靚野、傑野、最爽就撈粗野，確係認真唔少野。
乜野係天才，乜野係白癡，扮懵定蠢才，冇咁易會知，
天才與白痴，你黐定我黐，天才與白痴，冇咁易會知，
天才與白痴，天才與白痴，天才與白痴。
| 
-天才與白痴.jpg)